376               TESTAMENTS ENREGISTRÉS AU PARLEMENT DE PARIS            (616)
justice, se mestier est, jusques à ce que Jehanne, sa fille, ou autres heritiers, se elle avoit empeschement, ou legataires se apper rent et en vieignent prendre ou requerir la possession; et aus diz executeurs donna et donne povoir de plus à plain declairer et interpreter partout où ilz verront qu'il appartendra es clauses et cas où il cherra aucune doubte ou obscurté, avecques toute autre tele faculté, auctorité et puissance que en tel cas appartient et que bons et loyaulx amis et executeurs doivent avoir, etde croistre le laiz de ses serviteurs, s'il leur sembloit que plus deussent avoir qu'il ne leur laisse.
Et volt et encores veult que ce present testament et ordonnance vaille comme testament et ordonnance de derreniere volenté, et qu'il soit entériné et acomply au plus briefvement que faire se pourra bon­nement, en l'appellant tous autres testamens et codicilles par lui faiz et passez par avant. Et veult et ordonne que ses diz executeurs, qui entreprendront le fait et charge de son execucion, se paient des charges, missions, despens et travaulx qu'ilz auront euz, faiz et soustenuz à cause de l'execucion sur ses biens, et qu'ilz en soient creuz en leurs loyaultés et consciences.
Et défend et commande à sa dicte fille, prie et requiert Jehan d'Aunoy, son mary, et autres heritiers, se le cas y escheoit, que ou - fait de son execucion, ne des lais et autres choses contenues en ce present testament, ilz ne mettent débat ne empeschement aucun, sur peine d'estre privez de sa succession et sur tout l'amour et obeissance qu'ilz lui doivent, et les prie et requiert, tant acertes qu'il puet plus, qu'ilz solicitent ses diz executeurs, et preignent garde comment ilz facent bien et loyaument leur .devoir et bonne diligence de ce dit testament acomplir au plus briefvement que faire se pourra, pour la descharge et salut de son ame.
Et encores réserva et reserve de muer, changer, corriger, detraire et adjouster, toutes foiz que bon lui semblera, en ce present testa­ment , tant comme il vivra, le surplus non mué ou changé demourant en sa vertu; et toutes voies est il l'entencion du dit testateur que ce que l'en trouvera qu'il aura paié et fait à son vivant des lais et ordon-